Diri sa aton sa Pilipinas, basta makakita gani kita sang parrot, malingaw gid kita ilabi na kung ginasunod sini ang mga ginahambal ta.
Sa Hilario Ascasubi, sa probinsya sang Buenos Aires, South Argentina, gina dug-okan ini sang nilibo ka mga Noisy cliff parrots.
Sa ini nga hugada, makasiling ka gid nga indi gali nami kun pirmi may kaangay nga pispis sa inyo lugar ilabi na kung makatuga na ini sang halit.
Isa ka dalagko nga colony sang parrots ang kada tuig na lang nagabisita sa lugar sa diin kada tuig man nagaproblema ang mga residente sa lugar.
Kada tuig, nagadugang ang nga ini rason nga madamo man sang mga property ang nagaka-damage.
Ginatuka sang mga ini ang electrical kag internet wires, naganilapta nga higko sini kag siyempre ang gahud nga ginatuga sini labi na kun tigpalahuway sang nga tawo sa palibot.
Bangud protected specie ang ini nga mga parrots sa Argentina, ginadumilian ang pagtrato sang indi maayo sa mga ini.
Kada summer season, naga-migrate pa sur— sa cliffs of Patagonia para mag breed amo kun ngaa mas madamo ang mga ini kun bakabalik na sa Hilario Ascasubi.
