Masobra 500 ka culinary students kag manunudlo ang nagpartisipar sa MassKanamit annual convention sa SMX Convention Center Bacolod City kahapon_nga adlaw Oktubre 15.
Ini na ang ikawalo nga Sabor Bisaya kag 2nd Mayor Albee MassKanamit Culinary Showdown nga ginapatigayon sang Bacolod Yuhum Foundation, kaupod ang Council of Hotel and Restaurant Educators of the Philippines.
Natalana nga maga-compete sa food and culinary showdown ang malapit sa 300 ka mga partisipante gikan sa 19 ka mga hospitality management schools sa Negros Island sini nga adlaw Oktubre 16.
Magaserbe bilang mga hurado ang mga kilala nga mga chef, sanday Robby Goco, Myrna Segismundo, cookbook author nga si Nina Daza-Puyat, cheese master nga si Olive Puentespina, Virginia de Guzman, celebrity chef pioneer nga sanday Glenda Barretto, Cheong Yan See, Niño Angelo Comsti, Raul Ramos, Cristina Legarda, F&B consultant Beth Romualdez, kag Kalel Chan. Maga-upod man ang mga Bacolod- born chefs sanday Tom Bascon, Fern Aracama, Jomi Gaston, Sunshine Puey, kag Tonyboy Escalante.
