Nakatapos sang 26.2 ka milya ukon 42.2 kilometros si Negros Occidental Provincial Administrator Atty. Rayfrando Diaz sa marathon nga ginpatigayon sa Chichago tinalikdan nga Domingo, Oktubre 13, 2024. Ang Chicago Marathon ginakilala bilang isa sa pinakamataas nga marathon sa kalibutan kun sa diin nangin isa si Diaz sa 52,150 ka mga finishers sa sini nga tuig. Si Diaz ang ginkilala man bilang Negrense nga nangin kabahin sang pinakadako nga finisher field kag gintapos ang karera sa oras nga 4:47:59.
Nangin kaupod sang provincial administrator sa iya pagdalagan ang suporta sang iya asawa nga si Julie Maricar, hinablos nga si Samantha kag mga anak nga babayi nga sanday Gabrielle, Alessandra, As Ti kag iloy nga si Aida. Nagpabutyag man si Diaz sang iya daku nga pagpasalamat sa kahigayunan nga mapadayun sini ang hilig sa pihak sang pagpanghangkat sa iya personal kag pagserbisyo sa gobyerno.
