Ginkwestyon sang kapin 160 ka mga Bacolod City Child Development Workers (CDW) ang balor nga ginapaabot nga mabaton nga Health Emergency Allowance (HEA) kag pagka-delay sang distribusyon. Base sa pahayag ni Fred Grande, Point Person sang Bacolod City Health Office, nagpadangop sa ila nga talatapan ang pila ka mga katapo sang CDW agod maklaruhan natuhoy sa ila nga HEA.
Pila sa ila ang nagalaom nga nalakip sa high risk sadtong COVID 19 pandemic bangod sila man ang nagserbe bilang frontliner, apang natukiban nga sila ang ginkabig nga yara sa moderate risk kun sa diin ginalauman nga makabaton sang P6,000 kada bulan sa sulod sang Hulyo tubtob Disyembre 2021 nga pagserbisyo.
Nahibaluan nga yara sa kapin 2,000 ang nagserbe sadtong kasagsagan sang pandemya kag nagapaabot nga makabaton sa ila nga allowances sini nga bulan sang Oktubre. Ginklaro ni Grande, nga may ara sang delay sa pagpang-distribute bangod may nagakaigo nga proseso kag requirements nga dapat nga ipasa agod ma-release ang HEA.
