Naghatag sang food and hygiene assistance ang Bacolod Disaster Risk Reduction and Management Office (DRRMO) sa pila ka mga pamilya nga ginbaha sa Brgy. Pahanocoy, Bacolod City kahapon.
Ang Bacolod DRRMO ang naghatag sang walo ka mga food packs, walo ka hygiene kits kag water jugs sa mga pamilya nga gindala sa Medalla Elementary School sa Barangay Pahanocoy.
Sa nahibaluan nga kahapon sang aga may mga residente nga gin-rescue ang Bureau of Fire Protection (BFP) sa Purok Maninihon sa nasambit nga barangay matapos ang pagsaka sang tubig bangud sang mabaskog nga ulan tuga sang Tropical Depression Kristine.
