Wala naglaum ang mag-asawa nga French nga magalab-ot sa korte ang problema sang ila tupad balay angut sa ila ginasagud nga bantam nga manok nga si Ricco.
Suno sa tagreklamo, indi siya makatulog, kag maka-concentrate bangud sang tunog nga pag-tilaok sang manok.
Apang, ginpanginwala man sang mag-asawa nga matuod ang ini nga mga alegasyon kontra sa ila 5-year-old nga manok.
Pahayag pa sang mga ini nga sakto lang ang pagtilaok ni Ricco sa diin, normal gid lang man ini sa sapat.
25 years ago, sang nag istar ang mag-asawa sa Bourgoin-Jallieu agud mangabuhi sang tawhay apang nakibot na lang ang mga ini sa nangin legal action sang ila tupad balay.
Gintinguhaan man sang mga ini i-settle ang problema sa townhall apang indi gid magpasugot ang complainant.
Isa ka facebook support page ang karon naga-exist sa diin gina-encourage sang mga tawo nga magpadayonlang sa pagtilaok ang manok kag nagpahayag nga wala sang “big deal” diri.
