Patay ang siyam ka mga persona matapos nga nabungguan sang truck ang ginasakyan nga van sa Guaratuba, Parana State sa Sur nga bahin sang Brazil.
Nahibaluan nga ang pito sa mga biktima ang mga teenager nga miyembro sang rowing team nagikan sa Pelotas, Rio Grande do Sul state, nga nagabiyahe pabalik sa kompetisyon sa Sao Paulo sang natabo ang aksidente.
Ginpahayag sang Brazil’s federal highway police, isa lamang ang naka-survive sa napulo ka mga persona nga sakay sa amo nga van, samtang luwas sa katalagman ang driver sini kag nakaga-om naman sang minor injuries ang 30-anyos nga truck driver.
Sa imbestigasyon sang kapulisan, napaslawan ang truck driver nga maka-brake rason nga iya nabungguan ang likod nga bahin sang van rason nga natumba ini.
Nagapakig-unong naman ang presidente sang pungsod nga si Luiz Inacio Lula da Silva matapos ang nagluntad nga aksidente.
