Naglab-ot sa 6,000 ka mga indibidwal sa probinsya sang Negros Occidental ang apektado sa nagapadayun nga pag- inulan kag mabaskog nga hangin tuga sang Bagyong Kristine.
Ini sandig sa latest report nagikan sa Provincial Disaster Risk Reduction and Management Office (PDRRMO) as of 9pm subong nga gab-I, Oktubre 24, 2024. Base sa rekord 80 ka mga barangay gikan sa 15 ka mga Local Government Unit (LGU) ang apektado nga nagdangat sa 1,906 ka mga pamilya nga ginkabug-usan sang 6,797 ka mga indibidwal.
Padayun sa gihapon nga pagpanugyan sang PDRRMO sa tagsa ka mga Emergency Response Unit sang tagsa ka LGU sang probinsya nga magsumiter sang ila rekord angut sa nagapadayun nga malain nga panahon.
Hugot man nga ginapahanumduman ang mga lokal nga mga pamunuan sa ila padayun nga monitoring natuhoy sa lakat sang panahon.
