Balik normal ang byahe sang mga sakayan pandagat halin sa mga port sang Negros Occidental kag Bacolod City santu sa impormasyon nga ginpagwa sang Philippine Coast Guard (PCG) Coast Guard Station Northern Negros Occidental las-5:00 kaina nga aga, Oktubre 25, 2024.
Sandig sa Sea Travel Advisory Number 018 nga ginpagwa sang PCG, gin-lift na ang tanan nga temporaryo nga suspension sang byahe bangud wala na sang storm signal kag gale warning ang probinsya.
Samtang, padayon naman ang panugyan sang ahensya sa publiko nga magtinir sa ila balay kun wala sang importante nga transaksyon agud malikawan nga ma-stranded sa tion nga mabalik na ang temporaryo nga suspension sang byahe.
