BACOLOD CITY- Gintiro patay ang isa ka lalaki sang suspetsado nga nagasakay sang motorsiklo, las-11 sang gab-i, Sabado, Oktubre 26 sa bahin sang dalan Araneta, Brgy. Tangub sa ciudad sang Bacolod.
Ang biktima ang ginkilala nga Christopher Zuniga kag legal ang edad. Base sa report sang Bacolod City Police Station 8, hinali lang gintiro sang wala pa makilala nga suspetsado ang biktima kag gilayon nga nagpalagyo sa Sur nga bahin nga direksyon.
Nakagaom sang pilas sa nagkalain-lain nga parti sang lawas si Zuniga nga gintunaan sang iya kamatayon. Narekober sa crime scene ang apat ka sachet sang ginapatihan shabu, kag 500 pesos. Padayon ang imbestigasyon sang PS8 natuhoy sa amo nga insidente.
