BACOLOD CITY- Narekober ang ₱5,440,000 nga balor sang ginapatihan shabu sa Purok Narra BayBay, Barangay 8 sa ciudad sang Bacolod, pasado las-8 sang gab-i, Oktubre 26.
Ang arestado ang ginkilala nga si Rico Abay, 55-anyos, wala trabaho, kag residente sa amo nga lugar. Base sa rekord sang Bacolod City Police Station 2, nga nagpangunga sa amo nga buy bust operation, narekober ang kapin 800 grams sang illegal nga droga kay Abay.
Ginkabig naman nga high value indibidwal ang arestado, kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
