Nakahanda na ang mga katapo sang Bacolod City Police Office (BCPO) para sa kahiwatan sang All Saints kag All Souls Day sa maabot nga Nobyembre 1 kag Nobyembre 2, 2024.
Sa interview sang DYHB kay BCPO Director PCol. Joeresty Coronica iya ginpayahag nga iga-deploy ang kapin 200 ka mga katapo sang kapulisan humalin Oktubre 31 tubton Nobyembre 2 nga iga-assign sa 14 ka mga pribado kag pampubliko nga mga patyo sang ciudad.
Suno kay Coronica nga sa gihapon magabutang sang police assistance desk sa tagsa ka mga patyo para mag-monitor sa lakat sang sitwasyon sa tagsa ka mga lugar.
Dugang pa sini nga apisar may police station nga malapit sa mga nasambit nga patyo maga-augment sa gihapon ang iban diri agud mabuligan ang may unit nga madamo sang sakop nga patyo sa area.
Nagapalinton man ang BCPO Director sa mga pumuluyo nga sa gihapon mag kooperarar sa mga pagsulundan nga ginapatigayon sini kag sang ciudad agud mangin matawhay kag mangin safe ang pag-bisita sang mga pumuluyo sa ila mga himata nga nagtaliwan. (INSERT VC BCPO DIRECTOR PCOL. JOERESTY CORONICA)
