Suspendido ang klase sa ciudad sang Himamaylan subong nga adlaw bangud sang padayun nga nagaka-experyensyahan nga ulan kag hangin.
Sa kahangawa sa padayon nga ginabantayan nga Bagyong Leon kag sa seguridad sang mga kabataan, gindeklarar ni Mayor Raymund Tongson ang suspension sang face-to-face subong nga adlaw, Oktubre 30 sa tanan nga lebel sa pribado kag pampubliko nga eskwelahan nga sakop sang ciudad.
Pareho man nga suspendido ang klase sa banwa sang Isabela subong nga adlaw bangud sang maulanon nga panahon. Ini santo sa announcement ni Vice Mayor Juan Miguel Montilla.
