Ano ayhan ang imo mabatyagan kun isa ka adlaw pagbugtaw mo, naislan na ang imo kinatawo?
Kaangay sini ang natabo sa isa ka lalaki sa India sa diin pagbugtaw niya nangin babayi na siya.
Ginpahayag ni Mujahid, 20-anyos nga lalaki halin sa Sanjak Village sa Uttar Pradesh sa Indian news article nga wala ini naghatag permiso nga islan ang iya kinatawo.
Amo kun ngaa sang nakabugtaw ini, dako gid ang kaakig nga iya nabatyagan.
Suno kay Mujahid, isa ka adlaw gindala siya sang suspek nga si Omprakash sa Begrajpur Medical College.
Bangud nagalain ang pamatyag ni Mujahid sadto nga mga tinion, ginpapati ini sang suspek nga may yara siya sang seryoso nga balatian kag kinahanglan nga operahan.
Gilayon nga ginpasulod sa operating roon si Mujahid kag gin tublukan anesthesia.
Samtang unconscious ini, diri ginpaidalom na siya sa sex change.
Pila ka oras ang makaligad sang nakabugtaw ini apang iya nabatyagan ang kasakit sa iya kinatawo kag sang iya ginlantaw kinatawo na sang babayi ang iya makita sa iya lawas.
Bangud sini, gin-aresto naman sang kapulisan si Omprakash.
Ginaimbestigaran man ang mga hospital staff bangud sa ila involvement.
