Gintay-og sang magkasunod nga linog ang apat ka mga local government units (LGU) sa probinsiya sang Negros Occidental halin kagab-i tubtob kaina sang kaagahon.
Una ang ciudad sang Sipalay nga gintay-og sang magnitude 2.1 nga linog, las-10:48 kagab-i, Noviembre 4, 2024. Nagadalom ini sang 21 kilometers.
Las-12:57 naman kaina sang kaagahon gintay-og sang magnitude 1.8 nga linog ang banwa sang Moises Padilla. Nagadalom naman ini sang 13 kilometers. Tatlo man ka magkasunod nga linog ang nagtay-og sa banwa sang Hinoba-an kaina.
Las-2:53 sini nga kaagahon una nagtay-og ang 2.8 nga linog. Ini ang nagadalom sang 8 kilometers. Ginsundan ini las-2:57 sang kaagahon sang magnitude 3.8. Ini ang nagadalom naman sang 10 kilometers. Las-3:48 sang kaagahon nagsunod pa ang magnitude 3.1 nga pagtay-og kag nagadalom sang 12 kilometers.
Samtang las-3:02 kaina gintay-og man sang magnitude 1.9 nga linog ang banwa sang Cauayan nga nadalom sang 1 kilometer.
Lunsay tectonic in origin ang linog sa nasambit nga mga LGU.
