Ginaduso sang Bacolod City Police Office (BCPO) ang pagdugang sang tatlo ka police station sa ciudad sang Bacolod. Suno kay Bacolod City Police Office Director Police Colonel Joeresty Coronica ang pagduso sang plano nga pagdugang ang tinututuyo sini nga mapabaskog ang peace and order sa ciudad.
Ginpahayag man ni Coronica nga ang sa bahin sang mobilty ang kinahanglan man sang dugangan kasubong sang mga patrol cars angut sa pagduso sang pagdugang sang police station.
Lakip sa area nga na-identify sang plano nga pagpatukod sang police station ang Barangay Banago, Estefania kag relocation site sa bahin sang Barangay Vista Alegre.
Gina-propose man sang BCPO head ang pag-require sa mga establisimento sa pagbutang sang CCTV camera sa ila mga area kag ang pagdugang sang CCTV camera sa mga pampubliko nga mga lugar sa padayun nga pagpabaskog nga kampanya sa peace and order sa Bacolod.
