Ginadumdom subong nga adlaw ang ika-126 nga Negros Day ukon Cinco de Noviembre sa probinsiya sang Negros Occidental.
Ang Cinco de Noviembre isa ka importante nga adlaw sa probinsya sang Negros Occidental sa diin ang madinalag-on nga pag-alsa sang mga Negrosanon batok sa mga Kastila sadtong Nobyembre 5, 1898.
Ang Provincial Capitol ang may patigayunon nga programa subong nga adlaw pareho man sa ciudad sang Bago sa diin nagikan si Gen. Juan Araneta nga isa sa mga nagpamuno sang pag-alsa para mahilway ang isla sang Negros gikan sa kamot sang mga mananakop nga mga Kastila sang 1898. Ang ciudad sang Silay may kaugalingon man nga programa angot diri.
Isa ka special non-working holiday sa Negros Occidental subong nga adlaw buot silingon, wala sang klase kag opisina sa government kag private offices.
