Patay ang kapin 36 ka mga persona matapos mahulog sa pil-as ang ginasakyan nga bus sa norte nga bahin sang India.
Suno sa senior state government official, 60 ka mga persona ang nagasakay sa bus kun sa diin magluwas sa mga nagtaliwan, pilason naman ang masobra 20 ka mga pasahero.
Ginpahayag sang otoridad nga overloaded ang sakay sang bus bangod 42 lamang ang nagakadapat nga pasahero nga makasakay diri.
Nahibaluan nga yara sa kapin pito ka mga pasahero ang yara sa kritikal ang kondisyon sa ospital.
Sa inisyal nga imbestigasyon sang otoridad, nag-isol pa ang bus antes ini natumba kag nahulog sa kapin 60 meters nga kadalumon sang pil-as.
