Nagdangat sa masobra ₱10,000 nga balor sang softdrinks ang nagkalabuka matapos nga nahulog sa closed van sa bahin sang dalan Araneta kag Alijis road sakop sang Barangay Singcang-Airport sa ciudad sang Bacolod, pasado las-9 sang aga, Nobyembre 6. Ginpahayag ni Bacolod City Police Office- Traffic Management Unit Head Police Major Ramel Sarona, padulong sa Sur nga direksyon ang closed van, kag pag-abot sa amo nga lugar nahulog ang botilya sang softdrinks bangod nakakas ang wala nga bahin sang van. Ginabulubanta yara sa kapin 20 ka mga kaha sang softdrinks ang nagkalabuka. Wala naman sang may nasamaran ukon nadalahig sa amo nga aksidente.
