Balik sa normal na ang biyahe sang barko nga magapalayag padulong Manila matapos nga ini ang ginkanselar kahapon sang kaagahon, Lunes nga adlaw, Nobyembre 11, bangod sa bagyong Nika.
Ginpahayag ni Philippine Coast Guard Northern Negros Occidental Commander Jansen Benjamin, matapos nga gin-lift ang tropical cyclone wind signal warning sa Manila, las-5 sang hapon sa amo nga adlaw nga weather forecast sang PAG-ASA gilayon naman nga ginbalik ang biyahe.
Apang bangod sa kanselasyon sang biyahe kahapon, ini ang nagresulta sa pagka-stranded sang 662 ka mga pasahero sa BREDCO port, apat ka mga cargo vessels, kag 100 nga mga containerized cargo. Nahibaluan nga nagtinir ang mga stranded nga pasahero sa pwerto kag naghulat na lamang nga magbalik ang biyahe.
