Yara sa 25 ka mga Persons Deprived of Liberty (PDL) sang BJMP Male Dormitory sa Barangay Handumanan ang magapadayon sang pagtuon sa idalom sang College Education Behind Bars program nga ginlunsar sang city government kag Bacolod City College (BCC).
Kahapon, Noviembre 11, ginlunsar ang programa kag ginpirmahan ang Memorandum of Agreement (MOA) sa tunga ni Mayor Albee Benitez kag mga opisyales sang BCC kag Bureau of Jail Management and Penology.
Gindesinyo ang programa para sa mga PDLs nga may Senior High School diploma.
Ang 25 ka mga PDLs ang maga-pursue sang Bachelor of Science in Entrepreneurship sa diin flexible kag hybrid format ang klase agud ma-akomodar ang abilidad sang mga estudyante.
