Mismo ang presidente sang Sierra Leone ang nagdayaw sa isa ka 26-anyos nga make-up artist matapos ini makakuha sang world record.
Si Mary Yongai ang karon may uyat sang Guinness World Record sang may pinakadamo sang na make-upan sa sulod sang 24 oras.
Kun kita gani mang make-up inoras gid ang kinahanglan para aton ma-achieve ang isa ka “look.”
Apang si Mary, napagwapa nya ang iya 111 ka mga kliyente sa isa lang ka pungkuanay.
Sa social media post ni Sierra Leone President Julius Maada Bio, gin-congratulate sini si Mary kag gindayaw matapos nga na-break sini ang daan nga record sang Indonesia sa diin kapin 96 ang na-make upan sini.
Si Mary ang nagatrabaho bilang professional make up artist samtang naga eskwela ini sang mass communication.
Si Mary ang nagtrabaho man bilang make up artist sa mga movie productions kag video shoots.
Agud mas mapaayo ang iya nga pag make-up. Ginapraktisan ni Mary ang itsura sang iya nga manghod.
Apisar damo ang gin make upan ni Mary, isa sa mga ginkabiliban sa iya amo ang kahipid sang iya nga agi sa pag make-up kag wala ginpatarasakan lang.
