Para sa kaayuhan sang ciudad sang Bacolod ang natabo nga switching ni Mayor Albee Benitez kag Congressman Greg Gasataya para sa 2025 elections.
Sa isa ka pagtililipon sa Boracay Island, ginpahayag ni Mayor Albee nga ang pagpadalagan congressman sa masunod nga tuig amo ang isa sa pinakamabudlay nga desisyon nga iya ginhimo apang para ini sa kaayuhan sang ciudad sang Bacolod.
Para sa alkalde, madamo nga kaayuhan ang malab-utan sang Bacolod kon may isa ka tawo nga makakuha sang resources gikan sa national government.
Para sa mga tawo nga nagakabalaka nga mabudlay na ang paglab-ot sa iya kon indi na ini ang alkalde sang Bacolod, si Benitez ang nagaplano nga magbutang sang opisina sa legislative building sa Bacolod City Government Center (BCGC) ukon sa old city hall, kon ini ang palaron sa eleksyon.
Sa masunod nga mga semana nagaplano man si Mayor Albee nga maghiwat sang summit para ipakita sini ang iya vision para sa ciudad.
