WORLD NEWS- Patay ang siyam ka mga persona lakip ang commander sang Hezbollah matapos ang pagpang-atake nga ginlunsar sang Israel sa bahin sang Damascus, Syria.
Nalakip sa mga nagtaliwan ang apat ka mga sibilyan kag mga kabataan nga lunsay Syrian national.
Suno sa Syrian Observatory for Human Rights, gin-target sang Israel ang isa ka apartment nga ginapanag-iyahan sang Hezbollah sa Sayyida Zeinab, sa Sur nga bahin sang Damascus.
Ang amo nga pagpang-atake ang kabahin sa mas ginpasanyog nga paglunsar sang strikes sang Israel sa Syria, sumugod sadtong Setyembre 23 nga all-out war sa Hezbollah nga nagluntad sa Lebanon.
