Ginre-align para sa iban pa nga mga proyekto sa ciudad sang Bacolod ang original budget para sa pagtukod sang bag-o nga Burgos public market.
Sa press conference ni Mayor Albee Benitez kahapon, gin-anunsiyo sin inga ang P525 million nga pondo ang gamiton na sa iban nga mga proyekto sa ciudad matapos ginbalabagan sang mga vendors ang plano para kuntani sa bag-o nga merkado.
Kalakip sa bag-o nga proyekto nga alokaran sang pondo amo ang one-hectare animal shelter sa Brgy. Granada sa diin gastuhan ini sang P10 million.
Magluwas diri, P250 million ang i-alokar para sa ginatukod karon nga Legislative Building; P190-M para sa rehabilitasyon sang Old City Hall; P60-M para sa City Health Complex kag P15-M para sa Tree Park.
