WORLD NEWS- Nagpahamtang sang 50,000 ka mga militar ang Russia sa Kursk sa Sur nga bahin sang pungsod kun sa diin ginluntaran sadto sang Kyiv sang kontra-opensiba, suno kay Ukrainian President Volodymyr Zelensky.
Ginsiling ni Zelensky nga padayon nga nagapugong ang mga militar sang Ukraine nga magpatigayon sang ano man nga tikang ilabi na nga yara sa 50,000 ang gindeploy nga militar sang Russia.
Madumduman sadtong Agosto, gin-atake sang Kyiv ang Kursk Region nga nag-resulta sang pagkakibot sang Moscow kag kaalyado nga pungsod.
Nagsiling ini sadto nga ang operasyon ang kinahanglanon, bangod ang Russia ang nagaplano sa paglunsar sang panibag-o nga pagsalakay sa Ukraine gikan sa rehiyon.
Ginsiling sini nga nagatuyo ini sa paghimo sang “buffer zone” agud malikawan ang palaabuton nga mga pag-atake sa tabok sang border.
