Luyag ni Bacolod City Mayor Albee Benitez nga mangin coordinating body ang Bacolod City Local Government Unit sa pag-implementar sang underground cabling sa ciudad.
Ginpahayag ni Mayor Albee, nga luyag niya mangin coordinating body ang LGU sang Negros Power kag telecommunications companies sa amo nga proyekto.
Tuyo sang alkalde nga mangin palaagyan ang ciudad nga magkoordinar ang Negros Power kag telcos agod mapadali ang paghuman kag impletasyon sang underground cabling.
Plano sang alkalde nga magapasar sang amo nga ordinansa ukon provision ang Sangguniang Panlungsod agod masiguro nga wala basulay sa tunga sang mga nagkalain-lain nga kompaniya.
Kahapon ginpatigayon ang groundbreaking sang underground cabling para sa proyekto nga magasugod sa tuig 2025. Ang proyekto magasugod South Capitol Road padulong sa BS. Aquino Drive nga may pondo nga ₱79 million.
