Nagdangat sa 62 ka mga wanted persons ang naaresto sang mga kapulisan sa isa ka adlaw nga operasyon nga nagsugod las-6 sang aga Noviembre 12 tubtob las-5:59 sang aga Noviembre 13, 2024. Nagpanguna ang Negros Occidental Police Provincial Office (NOCPPO) sa may pinakamadamo nga naaresto nga nagadangat sa 23. Ginsundan ini sang Iloilo Provincial Police Office nga may 17 nga naaresto samtang lima ang iya sang Aklan Police Provincial Police Office samtang apat naman ang iya sang Bacolod City Police Office. Ang Antique Police Office, Iloilo City Police Office kag Regional Mobile Force Battalion 6 ang may tag-3 ka mga wanted nga naaresto. Samtang ang Capiz Police Provincial Office kag Guimaras Police Provincial Office ang pareho naman nga may tag-2 ka mga wanted nga naaresto sa nasambit nga adlaw.
