Naglab-ot na sa phase 4 ang pagpatindog sang 3 story building nga Dialysis Center nga ginatukod sa karon sa tupad sang Ignacio Arroyo District Hospital sa banwa sang Isabela. Sa interview sang DYHB kay Negros Occidental 5th District Congressman Atty. Dino Yulo iya ginpahayag nga nagapadayun sa karon construction sini kag liwat nga paga-pondohan sang 15 million para sa nagahilapit kag madasig sini nga pagkay-o. Suno kay Yulo nga natapos na ang first kag second floor nga bahin sang building kag ang 3rd floor nalang sa karon ang ginalauman nga matapos agud sarang na makasentro sa interior nga pagpakay-o kasubong sang mga Laboratories. Madumduman nga ang proyekto ang ginsugdan ni anay Congresswoman Marilou Arroyo kag gindugangan naman sang kapin P20.5 million ni Cong. Yulo agud mapadayon ang construction. Nagalaum naman si Yulo sang madinalag-on nga pagtapos sang nasambit nga Dialysis Center nga sarang makabulig sa mga pumuluyo.
