Gin-appoint ni United States President Donald Trump si tech billionaire Elon Musk kag negosyante nga si Vivek Ramaswamy agod magpamuno sang Department of Government Efficiency. Ang pagapamunuan nga departamento ni Musk kag Ramaswamy, ang isa ka bag-o nga talatapan kag natalana nga magahatag sa advice sa guwa sang gobyerno kag paghatag sang advice sa mga yara sa White House parte sa pag-overhaul sang mga ahensya sang federal. Ginpahayag ni Trump, nga ang isa ka ogranisasyon nga maga-dismantle sang government bureaucracy kag mabuhinan ang gasto sang gobyerno. Dugang pa sini, ang amo nga plastada ang magapahanugot kay Musk kag Ramaswamy nga magapadayon ang ila nga pagtrabaho kag pagserbe sa pribado nga sektor nga indi na kinahanglanon ang approval sang Senado. Suno naman kay Musk, indi ini mangin pamahog sa demokrasiya kundi mangin pamahog sa burukrasya.
