Ginalantaw sang mga katapo sang Bureau of Fire Protection-Bacolod nga electrical ignition ang rason sa pagkasunog sang furniture shop nga Rojo Muebles and Crafts nga nahamtang sa dalan Lacson Extension sakop sang Barangay Singcang-Airport sa ciudad sang Bacolod, kapin las-12 sang tungang udto, Lunes nga adlaw, Nobyembre 18.
Santo sa rekord sang BFP, ginapanag-iyahan ni Maxemia Libo-on ang amo nga furniture shop.Ginpahayag ni BFP Chief Investigator Fire Officer 2 Rolin Paulan, nagsugod ang kalayo sa ikaduha nga panalgan sang staff house kag naglapta ini padulong sa garahe.
May nasunog man nga motorsiklo kag guba nga salakyan sa garahe sa amo nga insidente. Nagbilin sang ₱225,000 nga balor sang kahalitan ang sunog kag maswerte nga wala sang may nasamaran.
