Magapatigayon sang lima ka adlaw nga untat byahe ang transport groups sang mga traditional jeeps sa ciudad sang Bacolod sa Disyembre.
Ang grupo ni Rudy Catedral sang BACOD ang magapatigayon sang transport strike Disyembre 1-5, 2024. Ini bangud sang pagbukas sang ginaduso nga consolidation sa idalom sang PUV Modernization Program.
Ang grupo ni Catedral ang padayon nga nagapanindugan nga indi mag-upod sa consolidation bangud sang indi epektibo nga sistema sa diin pila sa mga miembro ang wala sa gihapon nakabaton sang dibidendo.
Padayon ang panawagan sang BACOD nga ma-renew ang prangkisa sang mga traditional jeeps bangud madamo nga commuters ang maapektuhan bangud nga indi pa bastante ang modernized units sa Bacolod.
