Isa ka indi matumod nga tinuga sa dagat ang nasapwan patay sa baybayon sakop sang banwa sang Dumanjug sa southwestern Cebu tinalikdan nga Nobyembre 17.
Suno sa mga lokal, ginapatihan nila nga ang nasapwan nga sea creature ang isa ka ginatawag “salangay,” ukon kilala man bilang isa ka giant oceanic manta ray.
Ang salangay ang isa ka sahi sang isda nga masami lang makita sa tuman ka dalom nga bahin sang kadagatan.
Apang bangud sa tumalagsahon nga itsura sang mga skeletal remains, madamo gihapon ang nagapamangkot kun ini bala salangay man gid ukon iban nga klase sang tinuga.
Sa pihak nga bahin, ginklaro sang Bureau of Fisheries and Aquatic Resources (BFAR 7) nga isa ini ka marine mammal.
Nagmando man ang ahensya nga gilayon ilubong ang sapat agud indi na makatuga pa sang mas lala nga problema.
