BACOLOD CITY- Gina-alegar ginhurikap sang maestro ang tatlo ka mga grade 8 student sa isa ka buluthuan sa ciudad sang Bacolod sang makapila ka beses.
Ang amo nga mga biktima ang lunsay mga kababaenhan kag naga-edad sang 13-anyos.
Ginpahayag ni Police Lieutenant Rowena Jean Magan, Officer In Charge sang Bacolod City Police Office- Women and Children Protection Desk, ‘unwanted touches’ ang ginabuhat sang amo nga maestro sa mga estudyante, rason nga nagpadangat ini sila sang reklamo sa otoridad.
Padayon ang imbestigasyon sang WCPD bangod gina-alegar nga masami ini ginahimo sang maestro sa ila.
Natigayon naman nga na-refer sang otoridad nga ang isa sa mga biktima nga ipaidalom sa psychological evaluation.
Ginakumbinsi pa sa karun sang WCPD ang mga ginikanan nga mag-file sang kaso batok sa amo nga maestro. Dugang pa ni Plt. Magan, padayon nga nagatudlo ang amo nga maestro bangod wala pa sang nagakaigo nga kaso nga gin-file sa iya.
