Nagapati ang Bacolod Alliance for Commuters Operators and Drivers (BACOD) Inc. kag iban pa nga katapo sang traditional jeepney drivers and operators nga dako ang mangin epekto sang apat ka adlaw nga untat byahe nga pagahiwaton sa Nobyembre 28 tubtub Disyembre 1.
Kahapon nagsapol ang mga transport leaders agud istoryahan ang strike bangud nahibaluan sang mga ini nga madamo ang maapektuhan.
Sa interview sang DYHB kay BACOD PresideCatedral, indi lang ang ciudad sang Bacolod ang mahimo maapektuhan sang amo nga lihok kundi lakip man ang mga out of town commuters nga nagatrabaho ukon nagaeskwela sa ciudad, apang ginklaro sini nga indi nila luyag nga mabudlayan ang mga pumuluyo sa baylo luyag lang nila ipalab-ot nga dapat ini aksyonan sang mga Local officials kag Land Transportation Franchising Regulatory Board (LTFRB).
Dugang pa ni Catedral nga nagapati ini nga posible ma-lockdown ang transportation sang ciudad pananglitan pangdakpon ang mga traditional jeep drivers ini bangud sa kulang sang mga jeep apisar nga may yara sang modernized jeepneys.
