Magapahamtang sang solar system ang ciudad sang Bacolod sa mga barangay kag government buildings nga magagamit sang total capacity nga 1,340 kilowatts (KW) sa solar power agud ma-energize ang Bacolod City Government Center subong man ang iban pa nga mga pampubliko nga buildings mabuhinan ang gasto sa kuryente.
Nagsugod ang operasyon sang Nobyembre 25 kag may yara na sang 400-KW capacity solar photovoltaic system sa rooftop sang Bacolod Government Center.
Base sa projection, ang city government makatipon sang tubtob PHP14.974 milyones kada tuig paagi sa paggamit sang 1,340-KW solar power system, samtang ang tagsa ka benepisyaryo sa barangay makatipon sang mga 50 porsyento sa gasto sa kuryente .
Ang Barangay Taculing naman ang maga-host sang 150-KW nga solar power system sa City Disaster Reduction and Management Office kag sa village gym; Barangay Sum-ag may 140KW para barangay hall and public market, Barangay Vista Alegre may 120KW para sa evacuation center kag youth home, Barangay Granada 80KW para sa public market; kag Barangay Villamonte 50KW para sa gymnasium.
Ang nabilin nga natumod nga mga barangay naman ang maga-host sang solar power facility nga may kapasidad nga 40KW kada isa, lakip na ang Barangay 16, nga iga-install sa Rizal Elementary School, kaupod ang Alijis, Singcang-Airport, Tangub, Estefania, Pahanocoy, Handumanan, Punta Taytayy , Cabug, kag Felisa.
Ang ini nga mga proyekto sa solar power may ginabulubanta nga budget nga P100 million, nga ginapondohan sa idalum sang PHP4.4 bilyon nga loan window sang city government gikan sa Development Bank of the Philippines
