Masobra na sa 51,000 ka mga senior citizens kag Persons with Disability (PWD) ang nakakuha sang QR-code enabled ID sa ciudad sang Bacolod.
Santo sa datos sang city government nagdangat na sa 50,433 Senior Citizens kag 17,078 PWDs sa ciudad ang nakakuha sang nasambit nga ID. Ini nga sistema ang gin-implementar sa idalom ni Mayor Albee Benitez sa diin tinutuyo sini nga mapabakod pa ang data security kag mapunggan ang paglapta sang peke nga mga cards nga makaapekto sa business operations kag proseso sa gobyerno.
Nahibaluan nga magluwas sa PWD kag Senior Citizen IDs, nagagamit naman karon ang ciudad sang QR codes sa iban nga dokumento kaangay sang Tax Declaration Form, Business Registration Plate, Tricycle Sticker, kag Land Tax Certification.
