Bukas kag ginaabi-abi sang Local Government Unit sang Bacolod ang resolusyon sang senado nga nagapangayo sang imbestigasyon sa mga tax leakages nga tuga sang pagdamo sang peke nga person with disability (PWD) identification cards (IDs) nga ginagamit sa pag-angkon sang 20-porsyento nga diskwento kag value-added tax (VAT) exemption.
Ini angut sa damlag lang nga Senate Resolution No. (SRN) 1239 nga gin-author ni Senador Win Gatchalian sa report sang mga indibidwal nga nagabaligya sang peke nga PWD ID sa pila ka mga lugar, lakip na sa ciudad sang Bacolod, sa diin natukiban ang 100 ka peke nga PWD ID.
Ginpahayag naman sang Department of Social Services and Development (DSSD) head nga si Alma Gustilo nga bukas siya para sa nasambit nga Senate inquiry bangud yara ang Persons with Disabilities Affairs Office (PDAO) agud magbulig sa ila mga kinahanglanon.
Suno kay Gustilo, ang tanan nga gin-isue nga PWD IDs sa ciudad ang may yara na sang QR code kag yara ang opisina sang Management Information on Technology and Computer Service (MITCS) agud magbulig kon luyag nila nga i-verify ang authenticity sang ID.
Una na ginreport, nga isa ka establisyemento sa downtown area ang ginmanduan sang ciudad nga ipasira matapos nadakpan nga nagahimo sang peke nga ID lakip ang PWD kag senior citizen.
