Plano sang Bacolod City Police Office kaupod ang Bacolod City Local Government nga magdugang sang lima ka mga police station sa ciudad.
Ginpahayag ni BCPO City Director Police Colonel Joeresty Coronica, antes pa man makapahamtang sang dugang nga police station, naga-apply sa karun ini nga mangin Type A ang status sang headquarters agod makapatukod sang tubtob 20 ka mga estasyon.
Tuyo ni PCol. Coronica nga magpahamtang sa dugang nga estasyon sa bahin sang Barangay Banago, Estefania, Singcang-Airport, Vista Alegre, kag Cabug, kun sa diin ang amo nga lugar ang may madasig nga development.
Ang amo nga plano ang may kaangtanan sa plano ni Mayor Albee Benitez nga mangin supercity ang ciudad sang Bacolod. May pila naman ka mga private sector nga nagpakita sang tuyo nga mag donar sang propedad nga mapatindugan sang police station.
