WORLD NEWS- Ginbawian sang kabuhi ang tatlo ka tawo bangod sa mabaskog nga snowfall nga na-eksperensiyahan sa pila na ka adlaw sa pungsod South Korea.
Ang mga nagtaliwan ang nagikan sa Gyeonggi province, kun sa diin isa diri sa ila ang nabiwaan sang kabuhi bangod nag-collapsed ang garahe samtang nagapanguha ini sang snow.
Suno sa awtoridad, nagkanselar naman ang 156 ka mga flight kag 104 ka mga ferry services sa lugar.
Base sa pahayag sang weather agency sang pungsod, ang ikaduha nga adlaw sang snowfall sa Seoul sang tinalikdan nga Miyerkules, Nobyembre 27, ang narekord nga pinakabaskog sini nga bulan kag nakaligad nga siglo.
Nag-deploy ang government official sang 11,000 ka mga personnel kag 20,000 ka equipment para magpatigayon sang snow removal operation.
