Nagdangat na sa ₱100,457,735.35 ang balor ang total healthcare assistance sang Bacolod City Comprehensive Health Program (BacCHP) as of Nobyembre 2024.
Ini sandig sa damlag lang nga ginpatigayon nga Mayor Albee’s Roadmap to Super City Report tinalikdan nga Nobyembre 22, 2024.
Suno sa rekord naglab-ot na sa 71,887 ka mga BacCHP card ang gin-isyu kag 267,319 naman ka mga registered members nga nagapasiguro nga ang mga benepisyaryo makaangkon sang kinahanglanon nga serbisyo sa ikaayong lawas.
Samtang 10,758 ka mga pasyente naman ang ginserbisyuhan na sa idalum sang health program.
Madumduman nga ginlunsar ang BacCHP tinalikdan nga 2022 nga isa ka inisyatibo sang ciudad nga nagatuyo sa paghatag sang libre kag de-kalidad nga pag-atipan sa ikaayong lawas sa mga marginalized kag underserved nga mga sector.
