Natalana nga patigayunon ang pinakadaku nga pagtilipon sang mga Pamatan-on sang Diocese of Bacolod sa Sacred Heart Seminary-Bacolod Lupit Church bwas nga adlaw Nobyembre 29 tubtob Nobyembre 30, 2024.
Ang pagtilipon ang tuigan nga ginapatigayon sang Diocesan Commission on Youth (DCY) nga kilala man sa tawag nga “Dagyaw” nga ginalakipan sang mga Pamatan-on gikan 12 ka mga Bikaryato sang Diocese of Bacolod gikan sa ciudad sang Victorias padulong sa banwa sang Hinigaran.
Sa Dagyaw 2024 ginalauman nga magapakigbahin ang mga pamatan-on kag mapa baskog ang ila sini mga spiritualidad sa ila padayun nga pagserbisyo sa ila tagsa ka mga parokya.
Ang pagtilipon ang maga-umpisa sa Registration sa San Sebastian Cathedral kag pagasundan sang Santos nga Misa kag ang Pilgrim walk sang mga Pamatan-on humalin Cathedral tubtob sa Sacred Heart Seminary kun sa diin patigayunon naman ang programa tubtob alas singko sang kaagahon, Nobyembre 30.
Tema sang Dagyaw 2024 ang “Those who hope in the Lord will run and not be weary”.
