Sarang mo bala talikdan ang kasikatan agud lang mag travel kag mangin peaceful ang pagpangabuhi?
Si Axel Pons, anay competitor sa Moto2 World Championship, ang nagbiya sa iya sini kasikatan sa patag sang sports agud mangin “simpleng tao” lang.
Siya ang nagalibot sa nanari-sari nga nga pungsod sa kalibutan nga nagapanglakaton kag nagatiniil.
Si Axel ang anak sang two-time MotoGP winner, ang makabig legendary nga si Sito Pons.
Sa hubin nga edad, bug-at na ang ekspektasyon nga ginalukdo ni Axel apisar nga nagaka-ubra niya man ini.
Pagkatapos sang Moto2 World Championship – nakatapos si Axel sang 16th place sang 2016 season, nagdisider ini nga magpahuway anay sa iya racing career.
Nangin fashion model si Axel pagkatapos sini, nadula na sa panulukan sang kadam-an si Axel.
Ang ila lang matandaan amo ang ginhambal ni Axel nga luyag niya kalimtan ang iya ginhalinan kag mangabuhi bilang bag-o nga tawo.
Damlag lang, nagviral ang isa ka video sa youtube sa diin nakita si Axel Pons nga nagapanglakaton sa Pakistan.
Naka dreadlocks ang buhok, mahigko nga itsura kag panapton kag nagatiniil lang nga nagapanglakaton bitbit ang iya baston.
Pahayag sini sa youtuber nga anom ka tuig na siya nagatiniil, ginpakita pa sini ang iya mahigko nga tiil kag gutang bilang proweba sang iya pagpanglakaton.
Suno kay Axel, wala na sang may mas maayo pa batyagon kaysa sa buy-an ang nagapabug-at sa iya balatyagon kag sundon ang iya nga tagipusuon.
Nahibaluan nga sa anom ka tuig sini nga pagpanglakaton, halin Spain padulong Pakistan, kapin 6,500 km na ang iya nalab-ot.
