Nakuhaan sang kapin P816,000 nga balor sang ginapatihan shabu ang duha ka High Value individual (HVI) nga mag-utod sa ginpatigayon nga buy bust operation sa Prk. Neptune, Brgy. Singcang Airport ciudad sang Bacolod, pasado las-2 sang kaagahon, Disyembre 1.
Sa report sang Bacolod City Police Station 8, ginkilala ang mga suspetsado sanday Eduardo Camento, 29-anyos kag Jacob Camento, Alyas “BYONG”, mga pumuluyo sa nasambit nga luga.
Nakuha sa possession sang mga suspetsado ang 14 ka plastic sachet sang ginapatihan shabu nga nagabug-at naman sang 120 grams.
Priso karon ang mga suspetsado sa Bacolod City PS-8 kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
