Magapatuman sang maximum deployment sang personnel ang Police Regional Office (PRO) 6 sini nga holiday season. Ini agud matapna ang mga krimen kag mapasiguro ang seguridad sang mga mall goers, mga turista kag byahero.
Ini ang ginmando ni PRO-6 Director Police Brigadier General Jack Wanky matapos ang command conference sang Noviembre 29, 2024.
Suno sa regional director, sini nga Disyembre ginalauman na ang pagdagsa sang tawo sa nagkalain-lain nga luagr sa rehiyon gani importante nga preparado ang kapulisan sa mga proactive actions.
Luyag ni Wanky nga mangin masadya, malinong kag memorable para sa tanan ang mga selabrasyon sa pagtapos sang tuig 2024.
