Nagnubo ang kaso sang kriminalidad nga nagluntad sa probinsya sang Negros Occidental sa sulod sang 11 ka bulan sumugod sadtong Enero 1 tubtob Nobyembre 25 tuig 2024, base sa rekord sang Negros Occidental Police Provincial Office komparar sang tuig 2023 sa kapareho nga period.
Nagikan sa 4,043 nga insidente sang krimen nga narekord sang tuig 2023, nagnubo sa 12.81% ukon 518 nga insidente ang narekord sini nga tuig. Kun sa diin sa sulod sang 11 ka bulan sini nga tuig, yara sa 3,525 ka kriminalidad ang narekord.
Ang pareho nga report ang nagnubo sa kaso nga kriminalidad ang santo sa Peace and Order Indicator (POI) and Public Safety Indicator (PSI). Ang POI ang nagnubo sa 7.34% bangod nagikan sa 2,944 ka mga insidente, ini ang nangin 2,728 na lamang.
Nalakip sa POI amo ang 8-Focus Crimes nga nagikan 664 incidents sang tinalikdan nga tuig, subong yara lamang ini sa 414.
Tanan nga insidente nga yara sa idalom sang 8-focus crimes ang nagnubo kun ikomparar sini nga tuig sa tuig 2023; kaangay na lamang sa kaso nga murder nga nagnubo sa 8.16%; homicide nagnubo sa 22.45%; physical injuries nagnubo sa 35.42%; samtang ang kaso sang rape ang may pagnubo nga 52.61%; robbery nagnubo sa 25.49%; kaso sang pagpangawat ukon theft nagnubo sa 55.62%; pagpangawat sang motorsiklo ang may pinakamataas nga pagnubo nga nagdangat sa 64.71%; samtang sa carnapping of motor vehicles ang wala naman sang pagbag-o bangod nagapabilin nga isa lamang ang narekord nga insidente.
Samtang ang PSI, ang nagnubo sa 27.48% ukon 302 ka mga insidente bangod nagikan sa 1,099 nangin 797 na lamang ini.
Santo sa rekord sang NOCPPO, sa rekord nga 1,093 nga vehicular accidents sang tinalikdan nga tuig nagnubo ini sa 794.
