Nakarebober sang kapin P39 Million nga balor sang illegal nga druga ang Negros Occidental Provincial Police Office (NOCPPO) gikan sang bulan sang Enero 1 tubtub Nobyembre 25, 2024.
Sa accomplishment report nga ginpagwa sang NOCPPO as of Nobyembre 30, nakapatigayon ini sang 914 ka anti-illegal drugs operations sa diin 1,130 ka mga indibidwal ang nadakpan kag nagresulta sa pagkakumpiskar sang 5,839 grams sang suspected shabu samtang 1,526 grams naman sang marijuana.
Naglab-ot naman sa masobra 198 ang kabug-usan nga operasyon nga ginpatigayon sang NOCCPO may kaangtanan sa illegal possession of firearms sa diin 205 ka mga suspek ang nadakpan kag masobra 226 ka mga armas luthang ang narekober.
Dugang pa, naglab-ot naman sa 2,307 ka Most Wanted Persons ang nadakpan sa probinsya. Magluwas diri, 737 ka mga operasyon may kaangtanan sa iligal nga sugal ang ginpatigayon sang NOCPPO kag 2,401 ka mga indibidwal ang nadakpan nga may kapin P617,085 nga balor sang bet money.
Sa subong, naglab-ot na sa 251 ka illegal fishing operations ang napatigayon kag 686 na ang nadakpan kag P11 million nga balor sang fishing paraphernalia ang narekober, samtang 18 ka mga persona ang nadakpan bangud sa illegal logging.
