Handa nga ihatag ni Ukraine President Volodymyr Zelensky sa nauna nga kahigayunan ang teritoryo sang Ukraine sa pungsod Russia agod matapos ang kinagamo.
Ang amo nga pahayag ni Zelensky ang iya ginsiling sa isa British television news channel sang tinalikdan nga Biyernes, Nobyembre 29.
Suno sa presidente, handa siya nga ihatag temporaryo ang teritoryo sang pungsod, sa baylo nga ipaidalom sa gihapon ang teritoryo nga kontrolado sang Ukraine sa North Atlantic Treaty Organization (NATO).
Dugang pa ni Zelensky, kun may kasugtanan na natuhoy sa ceasefire sa tunga sang duha ka pungsod, posible nga makig-negosasyon ang Ukraine sa dimplomatic nga pinaagi agod maibalik ang teritoryo sa East nga bahin nga sa karun kontrolado sang Russia.
Nahibaluan may iban nga pungsod nga nagplastat sang ceasefire agreement sang Ukraine kag Russia, kag kun masugtan ang ceasefire luyag niya magarantiya nga indi na sila balikan ni Russian President Vladimir Putin ang Ukraine
