Tatlo ka mga miyembro sang tribo Teduray ang patay samtang 28 ka iban pa ang naospital matapos makakaon sang pawikan sa Datu Blah Sinsuat sa Maguindanao del Norte. Sa report sang Municipal Disaster Risk Reduction and Management Office (MDRRMO), isa ka 68-anyos nga lalaki, menor de edad kag mga nagabusong nga kababainhan ang pila lang sa mga nahalitan sini. Nahibaluan nga nagbakal sang pawikan ang tribu sa balor P300 sa diin ila ini gin adobo para sud-anon panyaga. Apang luwas sa ila ihibalo, amo ini gali ang magadul-ong sa ila sa kapahamakan. Naka eksperyensya sang pagpalanuka, diarrhea, kag palanakit sa tiyan ang nga nakakaon pawikan sa diin ginhingagaw ang mga ini dala sa ospital. Ginapaandaman naman ang tanan nga maglikaw sa pagkaon sang wildlife. Mga kasapatan nga nakatilaw man sang pawikan ang na-report nga nagkalamatay.
