Nagtaliwan ang kapin 12 ka tawo tuga sang pagbaha sa Malaysia kag kaingod nga pungsod Thailand. Masobra 122,000 ka mga pumuluyo ang nagbiya sa ila puluy-an sa Norte nga bahin sang Malaysia, samtang kapin 13,000 naman sa Sur nga bahin sang Thailand. Posible naman nga magsaka pa ang datos sang mga numbero sang mga nagtaliwan bangod sa padayon nga pag-ulan sa duha ka mga pungsod. Gindeploy naman ang mga emergency services personnel agod magbulig sa pag-rescue sa mga stranded nga mga residente. Napilitan nga manirado ang duha ka ospital sa Thailand bangod sa pagbaha agod malikawan ang pagkaguba sang pasilidad. Samtang sa Malaysia, masami nga apektado sa amo nga insidente ang estado sang Kelantan nga border sang Thailand kag sang pungsod.
